स्लग : पिंगळीतील हिंदू स्मशानभूमीच्या जागेच्या नोंदीसाठी आमरण उपोषण
अँकर :
हदगाव तालुक्यातील मौजे पिंगळी येथील हिंदू स्मशानभूमीच्या जागेची सातबारा उताऱ्यावर तात्काळ नोंद करण्यात यावी, या मागणीसाठी यादवराव भावनाजी चव्हाण आणि अशोक धोंडबाराव मुकटे हे हदगाव तहसील कार्यालयासमोर आमरण उपोषणास बसले आहेत.
व्हॉइस ओव्हर :
पिंगळी येथे हिंदू समाजासाठी मागील अनेक वर्षांपासून स्मशानभूमीसाठी जागा उपलब्ध असून, याच ठिकाणी नागरिकांकडून अंत्यसंस्कार करण्यात येतात. मात्र, सदरील जागेची सातबारा उताऱ्यावर स्मशानभूमी म्हणून नोंद नसल्याने जागेवर अतिक्रमण होण्याची शक्यता निर्माण झाली आहे.
ही जागा स्मशानभूमीसाठीच कायमस्वरूपी राखीव राहावी आणि भविष्यात कोणत्याही प्रकारचे अतिक्रमण होऊ नये, यासाठी उपोषणकर्त्यांनी तहसील प्रशासनाकडे यापूर्वी अनेक वेळा निवेदने दिल्याचे सांगितले. मात्र, अद्याप ठोस कारवाई न झाल्याने त्यांनी आमरण उपोषणाचा मार्ग स्वीकारला आहे.
प्रशासनाने तात्काळ जागेचा पंचनामा करून महसूल अभिलेखात ‘हिंदू स्मशानभूमी’ अशी नोंद करावी आणि स्मशानभूमीच्या जागेचे संरक्षण करावे, अशी मागणी उपोषणकर्त्यांनी केली आहे.
बाईट: यादवराव चव्हाण
बाईट : अशोक मुकटे