महाराष्ट्र : जालना मंठा जगदीश राठोड़ जिल्हा परिषद उच्च प्राथमिक शाळा आंभोडा कदम येथे मराठवाडा मुक्ती संग्राम दिन उत्साहात साजरा

दि. १७ सप्टेंबर २०२६, गुरुवार रोजी जिल्हा परिषद उच्च प्राथमिक शाळा, आंभोडा कदम येथे मराठवाडा मुक्ती संग्राम दिन उत्साहपूर्ण आणि देशभक्तीमय वातावरणात साजरा करण्यात आला.
कार्यक्रमाच्या सुरुवातीस मान्यवरांच्या हस्ते ध्वजारोहण करण्यात आले. यावेळी विद्यार्थ्यांनी मराठवाडा मुक्ती संग्रामातील स्वातंत्र्यसैनिकांच्या शौर्याची आणि त्यागाची माहिती देत त्यांच्या स्मृतींना अभिवादन केले.
यावेळी विद्यार्थ्यांनी देशभक्तीपर गीत, भाषणे, कविता तसेच विविध सांस्कृतिक कार्यक्रम सादर करून उपस्थितांची मने जिंकली. विद्यार्थ्यांनी आपल्या भाषणातून मराठवाड्याच्या मुक्तीसाठी लढलेल्या स्वातंत्र्यसैनिकांच्या संघर्षाची माहिती दिली. त्यांच्या त्यागामुळे आणि संघर्षामुळे मराठवाडा निजामाच्या राजवटीतून मुक्त होऊन भारतीय संघराज्यात विलीन झाला, याची आठवण यावेळी करून देण्यात आली.
शाळेतील शिक्षकांनी विद्यार्थ्यांना मराठवाडा मुक्ती संग्रामाचा इतिहास, स्वातंत्र्याचे महत्त्व आणि देशाप्रती असलेली आपली जबाबदारी याबाबत मार्गदर्शन केले. विद्यार्थ्यांमध्ये देशप्रेम, राष्ट्रभक्ती आणि सामाजिक बांधिलकीची भावना रुजविण्याच्या उद्देशाने आयोजित करण्यात आलेल्या या कार्यक्रमाला विद्यार्थ्यांचा उत्स्फूर्त प्रतिसाद मिळाला.
कार्यक्रमाच्या शेवटी स्वातंत्र्यसैनिकांना आदरांजली अर्पण करून उपस्थितांचे आभार मानण्यात आले. संपूर्ण कार्यक्रम उत्साहपूर्ण व शिस्तबद्ध वातावरणात पार पडले.