कन्नड तालुक्यातील पिशोर येथे आज एक हृदयद्रावक घटना घडली आहे.
पिशोर-सिल्लोड रोडवरील गट क्रमांक ७१ मध्ये वीज पडल्याने तीन जणांचा दुर्दैवी मृत्यू झाला, तर तीन जण गंभीर जखमी झाले आहेत.
या दुर्घटनेत फरजाना हमीद सय्यद, वय ३८ वर्षे, तसलीम बानो मुक्तार सय्यद, वय ५० वर्षे आणि अलविरा हनीफ सय्यद, वय १६ वर्षे यांचा मृत्यू झाला.
तर हमीदा हनिफ सय्यद, अनिसा निसार सय्यद आणि हफिज खलील सय्यद हे तिघे गंभीर जखमी झाले आहेत. त्यांना तातडीने उपचारासाठी छत्रपती संभाजीनगर येथील घाटी रुग्णालयात हलविण्यात आले आहे.
या घटनेमुळे पिशोर परिसरात हळहळ व्यक्त होत असून, मृतांच्या कुटुंबीयांवर दुःखाचा डोंगर कोसळला आहे.
वीज पडण्याच्या घटनांपासून नागरिकांनी विशेष काळजी घेण्याचे आवाहन करण्यात येत आहे.
पिशोरमधील या दुर्दैवी घटनेने परिसरावर शोककळा पसरली आहे.
